Inspesaun Veikulu hanesan Departamentu parte ida husi DNTT ho nia servisu mak hanesan halo inspesaun ba kareta ho motorizada sira nebe mak sirkula ou halo movimentu iha teritoriu Timor- Leste laran tomak, Edificio Inspesaun veikulu ne iha Comoro Dili Timor Leste. Objetivu halo inspesaun para bele hatene transportes sira ne’e nia kondisaun nomos hodi prevene polusaun nebe halo husi transportes sira ne’e rasik.

Departamentu Inspesaun Veikulu mos halo inspesaun ba transportes nebe la uja motor (Exemplu: Motorizada Elektrik, Tum-Tum, no Kareta Elektrik mos). Inspesaun sira nebe Departamentu Inspesaun Veikulu hala’o bazeia ba Dekretu Lei no.06/2003 Artigu 110.

Kriteria Trata Dokumentus Inspesaun Veikulu

• Dokumentus hotu-hotu (Kareta ho Motoriza) tantu foun, renova ho troka naran sei halo selesaun iha Loket Nu. 1 antes atu prosesa invois hodi ba selu iha BNCTL.

• Depois de selu iha BNCTL, nin ba transportes sira tenki fila fali mai iha Departamentu Inspesaun Veikulu atu nune’e bele foti numeru forma. Wainhira atu mai foti numeru forma, kareta ho motorizada sira nebe atu halo inspesaun tenki iha ona fatin halo inspesaun.

• Ba dokumentus sira nebe mak atu prosesa troka Motor, Chassis no Ko’or, tenki iha invois selu troka nian nebe mak halo iha Seksaun Rejistu Veikulu nebe selu ona iha BNCTL no tenki junta mos ho deklarasaun mekanik.

• Ba transportes publiku sira tenki iha uluk invois Lisensa Trajektu nebe selu ona ou kopia lisensa trajektu nebe sei moris.

• Transporte publiku sira nebe mak atu halo inspesaun tenki kondisaun diak, mak hanesan tu’ur fatin tenki diak, labele reben, lebele uja ahi variasi, la utiliza apita variasi, odamatan kareta tenki diak, vidro labele rahun, roda tenki diak, no kondisaun ahi hotu-hotu tenki diak.

• Ba kareta kareta ho motorizada nebe atu mai halo inspesaun tenki ho kondisaun nebe mo’os no tenki diak hotu.

• Labele uja ahi variasi, xapa labele tohar no tenki mo’os, ahi kareta ka motorizada tenki tuir standar no pinheu labele mihis ou arame sai.

• Ba transporte privadu sira lebele uja reben skarlata.

• Rejultadu inspesaun sei hare ba testu inspesaun sira nebe mak halo husi Inspetor ho

  Tekniku Inspesaun sira nebe mak iha tereinu. Inspesaun ba kareta ho motorizada so halo

  deit ba sira nebe mak dokumentus selu ona iha BNCTL.

• Rejultadu inspesaun sira nebe liu ona husi testu fiziku sei prosesa hotu iha Loket Nu. 2,

  no ba sira nebe la liu sei haruka nain ba transporte hodi ba hadia kondisaun transporte

  hodi nune’e bele tama ba kriteria halo inspesaun nian.

• Ba dokumentus sira nebe mak prosesa iha Loket Nu. 2, sei asina husi Xefe Departamentu

  ou Xefe Seksaun no Inspetor nebe mak halo inspesaun.

• Rejultadu sira nebe hetan ona aprovasaun ou asina sei inklina hotu ba iha Loket Nu. 3,

  hodi distribui ba kliente sira nebe mak nia transporte pasa ona iha exame inspesaun.

• Validu inspesaun husi fulan 6 ba transporte publiku ho kareta bo’ot, tinan ida ba

  motorizada ho kareta ki’ik.