Diresaun Nasional Transportes Terrestres dahuluk hanaran Motor Vehicle Office (MVO) nebé hari’i iha tinan 2001 bazeia ba Regulamento UNTAET No.5/2001 ho No.6/2001, nebé hala’o ninia kna’ar hanesan rejistu kareta ho motor, halo inspesaun ba kareta ho motor, fo exame no emite karta kondusaun. Motor Vehicle Office (MVO) nakfilak sai Diresaun Nasional Transportes Terrestres iha tinan 2002 wainhira Timor-Leste Restaura Independencia iha dia 20 de Maio de 2002. Diresaun Nasional Transportes Terrestres hanesan mos instituisaun estadu ida nebé mak hamahon-an iha Ministeriu Transportes no Komunikasaun, nebé hala’o kna’ar presta servisu atendementu publiku hodi colheta receitas ba kofre estadu. Diresaun Nasional Transportes Terrestres hanesan instituisaun estadu nian ida nebé hala’o ninia kna’ar atu servi komunidade iha area transportes terrestres nian liu husi:

• Rejistu viaturas hotu nebé importa mai Timor-Leste;
• Halo inspesaun fiziku ba viaturas hotu atu identifika nia kategoria no asegura kondisaun nebé favoravel ba viatura ne’e rasik;
• Fo exame no emite lisensa de kondusaun ba sidadaun hotu nebé nesesita;
• Fo lisensa de trajektu ba trajektu nebé identifika tiha ona;
• Monitoriza, kontrola no halo manutensaun ba sinais trânzitu;
• Prosede jestaun nebé diak ba estasionamentu iha estradas no resintus publikus;
• Fo aprovasaun ba importasaun kareta ho motor.