Ministru Transportes no Komunikasoins, Exelénsia 𝐄𝐧𝐠. 𝐌𝐢𝐠𝐮𝐞𝐥 𝐌𝐚𝐫𝐪𝐮𝐞𝐬 𝐆𝐨𝐧ç𝐚𝐥𝐯𝐞𝐬 𝐌𝐚𝐧𝐞𝐭𝐞𝐥𝐮 hasoru malu ho Country Director Timor-Leste Resident Mission husi Asian Development Bank (ADB), Sra. Stefania Dina ho komitiva iha Sala Reuniaun Ministru nian, iha Kaikoli Dili, loron 11 fulan Jullu 2024.

Reuniaun ne’e ho objetivu atu atualiza progresu servisu sira ne'ebe relasióna ho apoiu ADB nian ba Transportes públikus, ne’ebé dadaun ne’e, iha ona faze estudu viabilidade no tuir planu sei konklui estudu ne’e iha fulan Outubru tinan 2024 no kontinua ho prosesu Details Engineering Design (DED sigla inglê) ba melloramentu servisu transportes públiku iha Timor-Leste.

Iha reuniaun ne’e, Ministru Transportes no komunikasoins mós atualiza progresu kona-bá dezenvolvimentu Aeroportu Internasionál Prezidente Nicolau Lobato. Atualizasaun ida ne’e nesesaria tamba, expansaun runway Airoportu nian hetan finansiamentu ho modalidade impréstimu husi ADB.