Ministru Transportes no Komunikasoins, Eng. 𝐌𝐢𝐠𝐮𝐞𝐥 𝐌𝐚𝐫𝐪𝐮𝐞𝐬 𝐆𝐨𝐧ç𝐚𝐥𝐯𝐞𝐬 𝐌𝐚𝐧𝐞𝐭𝐞𝐥𝐮 partisipa iha serimónia lansamentu ba sistema eletróniku utilizasaun kartaun 𝗕𝗥𝗜𝗭𝗭𝗜 hodi bele asesu ba parking area (sigla inglês) Aeroporto Internasionál Nicolau Lobato.

Serimonia ne'ebe jere husi ANATL ne'e servisu hamutuk ho Banku BRI Timor-Leste hodi bele fasilita pagamentu ho sistema eletróniku ba parking area iha aeroportu. Serimónia ne'e hetan partisipa husi Embaixadór Repúblika Indonézia ba Timor-Leste Señor Okto Dorinnus Manik, Adjuntu Governadór Banku Sentrál Timor-Leste Señor Rafael Borjes, Prezidente ANATL,E.P, Señor Romualdo A.S da Silva, no Jerente Jerál Banku BRI Timor-Leste Señor Roby F. Sastraatmadja.

Ministru esplika katak, utilizasaun kartaun ida ne'e nu’udar realizasaun ba dijitalizasaun pagamentu eletróniku ka babain ita temi "Cashless Payment (sigla inglês) ne'ebé utiliza atu asesu tama no sai Aeroportu. Barak husi ita bo’ot sira hotu hatene ona katak, desde fulan Dezembru tinan kotuk, ita lansa ona sistema ida ne'e no hahu’u kedas ho prosesu Trial (sigla inglês) Hein katak pagamentu eletróniku sira hanesan ne'e, implementa mós ba instituisaun sira seluk hodi mellora efisiénsia no atendimentu ida diak liu iha Timor-Leste.

Iha okaziaun ne’e Ministru mós la haluha Agradese ba dirijentes no xefia sira hotu iha ANATL,E.P, Banku Sentrál no Banku BRI Timor-Leste ne’ebe koopera ona hodi finalizasaun prosesu ida ne'e.